بما اني خلاص شخص معروف عني تقريباً اني سخيفة سياسياً و نفسي طويل وتقريباً عمري ما بسكوت على حاجة مش عجباني أنا بعتذر بس أنا بجد مش بعرف حاولت فعلاً أكون الشخص العادي الحيادي معرفتش أنا اسفة ومش هعرف ... مش عند بس عدم قدرة

بس أنا بكتب عشان حاجة تانية خالص أنا مش هدافع عن موقفي من الدستور عشان أنا مش عايزة أعمل كده... أهم من رأيي بكتير هو حجم المسؤلية على كل واحد فينا ... يعني يا ريت الناس لو هتقول "نعم" يبقى عشان موقف مبرر غير "نعم" عشان أنا تعبت و زهقت من البلد أو عشان زهقت من الحذر بتاع الجيش أو عشان زهقت من الجيش شخصياً ...أو عشان إنت مش عايز الجيش يفضل ماسك البلد ... لازم يبقى السؤال لييييه؟؟؟ ليه إنت مش عايز الجيش يفضل ونبقى كلنا مقتنعين بحاجة واحدة بس إن من بعد يوم 25 يناير دي صحوة لينا وللجيش وإن السيادة للشعب... وإن في ناس ضحت عشان احنا نقدر نختار أي حاجة احنا عايزينها...احنا الشعب...هما مين؟ الجيش من أبناء الشعب وليه ولاء للشعب ولو ده مش الموقف يبقى الأيام الفاتت دي مش ثورة دي بداية الثورة..أو نقول ثورة جديدة حاجة تانية خالص

الناس لما تقول "لا" يبقى عشان هي لها نظرة في التعديلات الدستورية مش عشان احنا مش عجبنا حاجة ...أو عشان مش واثقين من الناس إلي عملت التعديلات.. تقول "لا" عشان إنت قرأت وعرفت الرأي والرأي الأخر وعرفت الرأي الأخر وفكرت فيه..

والناس كلها لزم تتكلم مع بعض وتقرأ وتتكلم وتتفرج وتتناقش وتفهم الرأي التاني إيه وجهة نظره ومش عشان تسكته وخلاص... لأ إنت هتسمع وتفكر و تستنتج من كلامه رأيك تاني أو تغيره بجد مش عيب حقيقي مش عيب و لا حرام .... احنا بنبي بلد وبنعمل تاريخ...لزم كل واحد يبقى على قد المسؤلية دي فوق رأسنا كلنا ... الناس الملهاش في السياسة يحاول يفهم ويسمع معلش كل صوت يفرق بعدين دى بلدنا ..بلدك لازم تعرف و تتعلم و يفرق معاك .. دي بلدنا والتاريخ سوف يلعننا والأجيال الجاية لو احنا بعنا القضية عشان كسلنا أو مش قادرين نتعلم حاجة تصنع مستقبلنا

يا رب كلنا وأولهم أنا نبقى قد المسؤلية

وفي الأخر السيادة للشعب بأي حال من الأحوال... أنا الشعب ..أنا الباقي ..أنا السائد

أنا كمان ممكن أضيع نفسي عادي جداً عملناها قبل كده

إن مصر ليس وطناً نعيش فيه بل وطناً يعيش فينا" و"اللهم يا رب المسلمين والنصارى اجعلنا نحن المسلمين لك وللوطن أنصاراً، واجعلنا نحن نصارى لك، وللوطن مسلمين".
مكرم عبيد باشا

"Seek to know it all but admit to knowing nothing... seek for Utopia but admit to feasibility and obstacles ..Seek to avenge but admit at a point you start destroying yourself.. Seek to do it all at once but admit there is the ancient friend "TIME".. Seek to prove a point but admit that we all have different perspectives..Seek to change everything and admit that you CAN and WILL.. SEEK &ADMIT "